Pagina:Raccolta di poesie in dialetto veneziano 1845.djvu/234

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     — No per pietà! el ghe replica:
     No ghe abadar: el tossego
     Ti ghe 'l converti in balsemo:
     Lassa pur che le strepita,
     95Che co ti canti, credime,
     Nissun le sente più.»
          L'è tropo seria?
               Ben baratemola,
               Cambiemo ton.
               100Senti la satira,
               Che fava l'anare
               Contro 'l paon.



EL PAON, LE ANARE E 'L MERLO.


Sfogiava a Limena
     Un bel paon
     La so coa splendida
     In O maiuscolo
     5Sora un tezon.
A quel spetacolo
     Raro e gentil;
     Se afola in estasi
     Colombe e tortore
     10Sora 'l fenil;
     Folti su l'albero,
     Per el stupor,
     Esclama unanimi
     E tordi e lodole:
     15«Che bel color!
Quelo xe proprio
     Smeraldo fin!
     Che sfarzo d'opale!
     Varda quel'agata
     20E quel rubin!»
Ma un schiapo d'anare,
     Là dal paltan,
     Sul panegirico
     Spuava tossego,
     25Fava bacan.
Che bruto diavolo!
     Che pie che 'l gà!
     Queli xe forcole:

     No parlo un astese?
     30Vardelo là!
Se ti 'l sentissi po
     Co 'l canta... ih! ih!
     Scampa, va a sconderse
     Fina le celeghe;...
     35Dimelo a mi!»
     Cussì l'invidia
     Svoda i bomò,
     E intanto l'iride
     Lampizza e sfiamega
     40Drento quel O.
Un merlo, stufo mo
     De più sentir
     Quele petegole,
     Spontà dal carpano
     45Se mete a dir:
«Le diga, strissime,
     Mi no me par
     Che colù meriti
     Che le se incomodi
     50De criticar.
El me fa stomego,
     L'è là un balon...
     E po, le suplico,
     Voriele meterse
     55Co quel bufon?
Mo, tra i volatili
     Gh'è chi sostien,
     Che per esempio
     Gnanca ele, strissime,
     60No canta ben:
Che 'l paon agile
     Ga la virtù,
     Mentre ele zopega
     Qua su le crozzole,
     65De andar lassù.
Bon! da petarsela!
     Porlo, co 'l vol,
     D'una coa magica
     Com'ele, strissime,
     70Far pompa al sol?
Le prova a dirghe mo
     Co l'O spiegà —
     — A vu sior tangaro
     Copiè sta letera:»
     75Le l'à copà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/234&oldid=59368"