Pagina:Raccolta di poesie in dialetto veneziano 1845.djvu/235

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.




Epilogo.


Capì za l'ironia,
     Vegnimo a la moral.
     Chi acusa i russignoli de stonar?
     80Le rane dal croà croà
     Monotono e molesto.
     Chi spua velen sui lampi
     De la coa del paon?
     Le anare dal paltan col fango al cesto.
     85L'è donca tuta invidia,
     E scioca presunzion.
Però inventori de ragù, de salse,
     Liquoristi sublimi, dotorai,
     Fabricatori de morbide stofe,
     90Pitori egregi, architeti, scultori,
     Maestri de capela,
     E poeti, oratori,
     E sora tuto vu, parte più bela,
     Vita, delizia del genere uman,
     95Sfodrè i talenti che v'à dà la sorte,
     Mostrene 'l vostro zelo,
     Buteve là in batelo,
     Vegnine a consolar,
     E ralegrè sta lacrymarum vale.
     100E l'anare e le rane?
     Volteghe pur le spale,
     Lassele brontolar sin che le vol.
     Finzè de no sentir, de no saverlo,
     E ricordeve l'istoria del merlo,
     105Quel che Titiro à dito al russignol.


L'ASENO VERDE.


          Certa dona Gasparina,
               Rica, vedoa d'un fator,
               Visentina, lombi e schena
               Gera piena de calor.
          5De che ani? Coss'importa?
               I è cinquanta a san Martin,
               Ma la i porta!... L'era ancora

               Su l'aurora del morbin.
          Fin al zorno de quel santo,
               10Tra la pizza e la virtù,
               Tanto e tanto la se inzegna,
               La se segna, e la sta su.
          Ma trovandose al pachieto,
               Che santifica quel dì,
               15Bortoleto sentà arente,
               La se sente... za capì!
          L'è za in fati un bel batochio
               Bortoleto ben formà!
               El ga un ochio!... e quela gamba?,
               20L'aria stramba da soldà.
          Ma quel po ch'el cuor ghe roba
               Xe mo un naso... del gran stil
               Co la goba, tinto in rosso,
               Longo, grosso e vescovil.
          25A la vista de quel pezzo
               Là a Vicenza una ogni tre
               Va in borezzo. La par mata;
               Valo a cata mo el perchè?
          Qua a Venezia po le done,
               30Educae come convien,
               Xe minchione su sto tomo:
               Le tol l'omo come el vien.
          Ma tornando a Bortoleto:
               Vintiun ano, bel aspeto,
               35Bona gamba, bona schena:
               Ma 'l disnar mo? ma la cena?
          L'è là un povero squartà
               Da la sorte abandonà,
               Che la stica tra la zente...
               40Come? bon, mi no so gnente:
So che fina da regazzo
     L'à copià fedelmente Michielazzo.
     A l'oposto Gasparina
     Ga al so comando tanto de musina;
     45Che Brunoro so mario
     Ga lassà, se sol dir, el ben de Dio,
     E, podendola sposar,
     Per Bortolo el sarave un bon afar.
     L'è vechieta? ben: pazienza;
     50Co un tantin de compiacenza
     E col farghe co giudizio,
     Ora questo, or quel servizio...
     A bon conto intanto lu...
     Cinque in vin, conzo in colmo e ben passù.
     55E po... bela! co la mor

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/235&oldid=59382"