Pagina:Raccolta di poesie in dialetto veneziano 1845.djvu/142

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


V.


Certe finezze
     Che tuti veda
     No val un soldo
     D'una in confronto
     5Che nissun veda;
     E quel ch'è sconto
     Xe vero amor.
Una brisiola
     Piutosto togo
     10Che una cusina
     De fumo e fogo,
     Che no me sazio
     De solo odor.


VI.


Mi son giusto de puina
     Che ogni poco me rovina.
     Ochi, cavei, colori,
     Tuto me par tesori,
     5E unite a mile a mile
     Sento le tentazion.
M'incanta le bianche,
     Me acende le more,
     Son sempre l'istesso
     10A tute le ore;
     Pulite e pitoche
     Per mi tuto è bon.


VII.


Xe ben che i omeni
     No sapia tuto;
     Più dolce è 'l fruto
     D'un ignorante
     5Credulo amor.
Chi tropo cerca
     Tropo anca trova;
     Chi no vol prova
     Ga el privilegio
     10D'un dolce eror.


VIII.


Bele parole!
     Co le xe sole,

Nina, tegnivele,
     Manco che chiacolo
     5Più gusto go.
Urtème, dème,
     Paremo mati,
     Ma che i sia fati;
     Che co le chiacole
     10No me fe zo.


IX.


Col vien, tolèlo
     Come se 'l Cielo
     Ve lo mandasse;
     Che da là un poco
     5Nol ghe xe più.
In un mumento
     Se cambia el vento.
     Favor de dona
     Xe come l'onda
     10Che ora va zoso
     Ora va su.


X.


Le vol aver un muso
     Che se ghe mora suso,
     Le vol che tuto sia
     Belezza e legiadrìa.
     E po... le man a casa,
     E po... tegnirse in fren.
Chi pol senza esser mati
     Acetar mai sti pati?
     Diseghelo a dei legni
     Che i toga de sti impegni,
     Opur no andè cercando
     Che se ve vogia ben.


XI.


El diavolo non è bruto
     Mai tanto quanto el par,
     A no se desparar
     Un zorno nasce el caso
     5Che no s'avea sperà.
Le done se compiase
     Del credito de fiere,
     Ma le vol anca el gusto

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/142&oldid=59189"