Pagina:Raccolta di poesie in dialetto veneziano 1845.djvu/141

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


POESIE

DI

MARCANTONIO ZORZI.


EPIGRAMMI.

I.


Se fusse una dona
     (Che 'l ciel me perdona)
     El primo zeloso
     Saria butà zoso
     5Da qualche balcon.
Da sti maledeti
     Se strupia i dileti,
     Se guasta a l'estremo
     La megio che abiemo
     10De tante passion.


II.


El cuor me dise
     Che go un rival,
     Ma no ghe credo
     Nè ben nè mal;
     5No xe prudenza
     Crederghe a lu.
Lu, per esempio,
     Me dise spesso,
     Che dovaressi
     10Amarme adesso;
     E pur per questo
     M'ameu mo vu?



III.


Soportè che parla schieto.
     Qualche volta, bel museto,
     Tante smanie no avaressi
     Se i rossori ve vedessi
     5Che ve fazzo comparir.
A l'uscir de la mia ose
     Vu parè de gigli e rose;
     Quei ochieti se v'infiama
     Sia da sdegno o sia da brama;
     10E mi so quel che i sa dir.


IV.


Se fa presto a dirve bela
     Perchè abiè a tegnirve in bon;
     Ma mi stimo
     Quel che primo
     5Podarà dirve anca bona,
     E a le prove arivarà.
Per no esser mai minchion
     Farìa mi sta cognizion.
     Per le vostre glorie intiere
     10Torna conto aver per vere
     La belezza e la bontà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/141&oldid=61388"