Pagina:Raccolta di poesie in dialetto veneziano 1845.djvu/143

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     De no durarghe sempre
     10Co le se l'à formà.


XII.


Sentirse pieni
     De afeti e moti
     Tuti tereni,
     E dover fingere
     5Che 'l proprio mal
     Sia solo impulso
     Spiritual,
     Quest'è 'l tormento
     De amar persone
     10De qualità.
Chi è mai sì strani
     Nel so interesse?
     Tra i gati e i cani
     Ognun se sgnaola,
     15Se sbagia ognun.
     Nè 'l so bisogno
     Sconde nissun,
     Tuti el socore
     Co una grandissima
     20Sincerità.


XIII.


No è sempre vero
     Quel che ve par:
     L'ochio xe un giudice
     Che in più d'un caso
     5Xe sta inganà.
Come che burla
     Certe belezze
     Co andè vicin,
     Ve burla ancora
     10Certe saviezze
     Che avè stima.


XIV.


Quela saviezza
     Che vanta tanto
     No ghe xe un'anema
     Che me la nomina;
     5De quei che parla
     Con mi de vu.

I me domanda
     Ben, se sè bela,
     Ben, se sè zovene,
     10E co ghel digo
     I xe contenti
     Nè i vol de più.


CANZONETTA.


Tuti va in colera
     Che sè crudeli,
     El mondo mormora
     Che sè infedeli,
     Ognun ve biasima,
     6Ve acusa ognun
Chi de volubili,
     Chi de superbe,
     Chi ve mortifica
     Da dure e acerbe,
     E senza radeghi
     12No gh'è nissun.
Se sè dificili
     Ne fè dispeto,
     Se tropo facili
     Perdè el conceto,
     No gh'è giustizia,
     18No gh'è perdon.
Chi sente i omeni:
     La dona è dano,
     I sarìa anzoli
     Senza sto afano,
     Vu d'ogni vizio
     24Sè l'ocasion.
Donete amabili,
     Lassè che i diga,
     Vedo che 'l diavolo
     Però i castiga,
     E che i ve spasema
     30Atorno ognun,
Sto gran discredito
     Però no i sana,
     Tute ste smanie
     No li alontana,
     Con tuto st'odio
     36No stè a dezun.
Ah chi ve carica
     De tante acuse
     Da sè medesimi

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/143&oldid=59252"