Pagina:Raccolta di poesie in dialetto veneziano 1845.djvu/138

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


SONETTI DIECI


DI


TATI REMITA.



IL VERO BARCAJUOLO VENEZIANO.


Intender l'aqua, viver a zornada,
     Voga destesa senza spessegar,
     In tel streto del rio no se ligar,
     4Per no far gropo dar la so siada;

Coi omeni d'onor far camerada;
     Ai tressi curte, tuti saludar;
     Star su la defensiva, e no bravar
     8Senza rason per no far mai bulada.

Tratar ben la mugier; dei fioi grandoti
     No far che la dotrina sia el batèlo;
     11Esser secreto e no far zo merloti;

Che no deventa el magazen tinèlo,
     Nè cassa el gheto, nè sansughe i loti;
     14Questo xe 'l vero barcariol. Cerchèlo!

LA CONVENIENZA.


La natura no manca, manco mì;
     El mondo no se mua, mi m'ò muà;
     Tuto finisse; el senso cariolà
     4Esclama, per no dir: no posso pì.

La xe, l'è stada, e la sarà cussì
     Da dopo che sto mondo xe creà;
     El zovene de tuto godarà,
     8El vechio rusarà la note e 'l dì;

La moda, che se mua, la torna ancora
     Dopo fata la so circolazion;
     11Gh'è 'l rico perchè gh'è chi va in malora.

Maravegiarse d'ogni mutazion,
     Criticar sempre, no star quieto un'ora,
     14La me par da misantropo c...

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/138&oldid=68963"