45No badando al mumento
Al gofo complimento,
Che a quela dona scioca
Vien fora da la boca,
Sior Ilario copà,
50Sorpreso, imatonio
Del parto, ga esclamà:
— Ma come? se Susana ga el mario
Da quatordese mesi in Inghiltera. —
Alora ghe risponde la massera
55Più de l'aqua inocente:
— Questo no vol dir gnente,
Perchè 'l paron Macario
Ghe scrive ogni ordinario. —
In quanto a la Susana no ghe trovo
60Gnente a fato de novo,
Ma in quanto a la massera veramente
La me par una cossa sorprendente,
Perchè la più zucona
Sa far quelo che à fato la parona.
