Pagina:Pronostici e versi di Camillo Nalin 3.djvu/68

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     In mezz'oreta
     Co un picolo equipagio
     Fa su la so sacheta
     20E ze za in viagio.
Dopo quarantaot'ore
     Che per la posta el core,
     Ecolo za a Pavia
     In casa de so fia
     25Cigando — Nana —
     Abreviatura in uso
     De Susana;
     Ma apena l'è dessuso,
     Ancora col tabaro e col capelo,
     30Ghe va incontro a corando la massera
     Disendoghe — lo prego, caro elo,
     El fassa apian, perchè geri de sera
     Co l'agiuto de Dio
     La parona un putelo à partorio,
     35So pare tal e qual, tanto de toco,
     E avendoghe za un poco
     Dà la teta
     Adesso la ze quieta,
     Nè mi, schieto ghe parlo,
     40Me credo autorizzada
     A darghe la secada
     De anunziarlo,
     Avendome preciso dà el preceto
     De no lassarghe andar che sior Carleto.—