In mezz'oreta
Co un picolo equipagio
Fa su la so sacheta
20E ze za in viagio.
Dopo quarantaot'ore
Che per la posta el core,
Ecolo za a Pavia
In casa de so fia
25Cigando — Nana —
Abreviatura in uso
De Susana;
Ma apena l'è dessuso,
Ancora col tabaro e col capelo,
30Ghe va incontro a corando la massera
Disendoghe — lo prego, caro elo,
El fassa apian, perchè geri de sera
Co l'agiuto de Dio
La parona un putelo à partorio,
35So pare tal e qual, tanto de toco,
E avendoghe za un poco
Dà la teta
Adesso la ze quieta,
Nè mi, schieto ghe parlo,
40Me credo autorizzada
A darghe la secada
De anunziarlo,
Avendome preciso dà el preceto
De no lassarghe andar che sior Carleto.—
