Pagina:Pronostici e versi di Camillo Nalin 3.djvu/332

Da Wikisource
Sta pagina la xe stà trascrita, ma la gà ancora da vegner rileta.

Oh! tremenda barufa, oh! ardita impresa,
Oh! gara formidabile e famosa,
Dachè mondo è stà mondo mai più intesa,
Oh! contrasto acanito, oh! eroica guera,
Oh! zorno memorando su la tera;

610Oh! spetacolo raro e sorprendente,
Oh! quadro singolar che val milioni,
Oh! scena prodigiosa e comovente,
Oh! preziosa racolta de lioni,
Oh! strepito, oh! trambusto, oh! tananai,
615Oh! esercito de mati spiritai;

Oh! robusti colossi de natura,
Oh! trupa dei più scelti paladini,
Oh! modeli de forza e de bravura,
Oh! turba valorosa de fachini,
620Oh! strani mostri de la specie umana
Da la specie ordinaria assae lontana;

Oh! geni a la parola stravaganti,
Oh! afato nova razza de Sansoni,
Oh! gusti che no ze de tutiquanti,
625Oh! purissimo estrato de campioni,
Oh! complesso de pele da tamburo,
Oh! masnada d'eroi dal brazzo duro;

Oh! sciame de demoni prepotenti,
Oh! drapelo de jene e cocodrili,
630Oh! colezion de bisse e de serpenti,
Oh! famegia de orsi e de mandrili,
Oh! zente de la patria onor e gloria,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/332&oldid=64343"