Pagina:Pronostici e versi di Camillo Nalin 3.djvu/301

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


E lo serve de barba e de peruca;
Cajo al de là famoso,
Che contro i più acaniti combatenti
Ze stà sora la broca vitorioso,
Alafin trova pan per i so denti,
385Avendo una sconfita,
Che grazia granda de salvar la vita;
E l'ardito Sempronio,
Che co intenso coragio
S'à misurà coi bravi da demonio,
390El peta drento in quelo dal formagio,
Che assae de lu più forte
El lo riduse a morte;
Piero che à vinto Polo,
Dandoghe un pugno solo
395De quei che ve lo zuro
Se butaria zo un muro,
Ze vinto da Martin
Con un solo papin,
Ma dà in tal forma,
400Che 'l va longo desteso e par che 'l dorma.

Zizole col confeto,
Lasagnoni,
Che ghe ne ze scometo
Dei milioni;
405Buli che su la tera
Drio le anagrafi esate

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/301&oldid=64312"