Pagina:Pronostici e versi di Camillo Nalin 3.djvu/277

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


L'omo robusto e forte
Senz'esser scelerato
I condanava a morte,
Godendose sta razza buzzarona,
440(L'espression popolar se me perdona,)
De vederlo a lotar,
Senza poder sperar
Nissun socorso,
Co la tigre, co l'orso,
445Col lion,
La pantera, la jena,
Che al dito de Bufon
Naturalista
Ga fame dopo cena,
450E a prima vista
La ve lo magna un omo
Come mi magno un pomo,
Sinchè sbusà la pele,
Spandendo a sechi el sangue,
455Perdendo le buele,
Sbregà la carne el langue
Longo desteso in tera
Vitima de la fiera,
Che coi so denti acuti,
460Dio ne difenda tuti,
A son de morsegoni
In manco de mezz'ora
Lo riduse a boconi,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/277&oldid=64288"