Pagina:Pronostici e versi di Camillo Nalin 1.djvu/284

Da Wikisource
Sta pagina la xe stà trascrita, ma la gà ancora da vegner rileta.

     Par che i tegna in scarsela
     La patente
     Per secarghe.... intendemose a la zente.
De la mia scienza certo,
     Del fato mio sicuro,
     Rido a quatro ganasse, me diverto,
     Puso la testa al muro,
     E lasso che ste lengue maldicenti
     Le fassa prepotenti
     El so mistier,
     No avendo altro pensier,
     No avendo cura
     Senonchè quela de studiar natura.
E che sia questo el mio proponimento
     Una prova solene e clamorosa
     Ve la darò al mumento
     Che stamparò quel'opera famosa,
     Indove una per una
     Sarà descrite le mie osservazion
     Su le stele, sul sol, sora la luna,
     Rendendove rason
     Cussì palmari,
     Che se mai no volessi convenir
     Sarave quanto dir:
     Semo somari;
     Intanto adesso per no star de bando
     Ve dirò a l'uso vechio tuto quelo,
     Che col mio canochial ben contemplando,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/284&oldid=58010"