Pagina:Pronostici e versi di Camillo Nalin 1.djvu/283

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Ma mi vechio deboto e navegà,
     Che in mezzo m'ò trovà
     Per ani tanti
     De zente del bon ton,
     Dove ghe ze abondanza d'ignoranti
     De qualunque nazion;
     Mi che ò corso un gran stadio de la vita
     Fra insulsi pretendenti
     Quando per una certa calamita,
     Che opera portenti,
     Gera adeto al servizio de le bele,
     Apunto nei mumenti
     Che ò scomenzà a veder tute le stele,
     Dotà de assae bon naso
     M'ò fato persuaso
     Che 'l cercar de istruir chi la presume
     Ze l'istesso che a un orbo farghe lume,
     Come che col zucon
     El magior torto ze de aver rason;
     E so pago a sto mondo,
     Son contento
     Che me conossa a fondo
     Chi pol starme a copela per talento
     Senza bever la garba
     A sentir certi musi da simioti
     Che co tanto de barba
     I ga la privativa dei stramboti,
     E co la so bardela

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/283&oldid=58008"