Pagina:Pronostici e versi di Camillo Nalin 1.djvu/224

Da Wikisource
Sta pagina la xe stà trascrita, ma la gà ancora da vegner rileta.

     De la qual vari ga piena la sporta,
     E tanti, come mi, ghe ze che stenta,
     O inutilmente aspeta
     De averghene una feta,
     Essendo scrito che magnar ghe toca
     Quel che ai altri ghe casca da la boca;
     Lo batizzo un bordelo,
     Una cloaca,
     Nela qual no se gode che'l porcelo,
     Che l'aseno, che'l beco, che la vaca,
     Che la cavra, che'l mulo, che'l molton,
     Per esser senza lume de rason;
     L'è la fiaba te digo
     Del mio cavalo antigo,
     Alzighe la so coa. . . . . . co tuto quelo,
     Che i me contava suso da putelo;
     Lo intitolo un pestrin,
     E che'l sia tal lo provo,
     Se sina da bambin,
     Anzi apena se ze fora del vovo,
     La prima che i ve peta
     Sul muso cossa zela? l'è una teta.
     Se po qualcun vorà
     Sentirlo piturà
     In t'un modo assae vario,
     Che'l ricora al mio Regno Imaginario,
     Za vint'ani al'incirca publicà,
     Dove co alcune otave me son fato

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/224&oldid=57923"