Pagina:Pronostici e versi di Camillo Nalin 1.djvu/225

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     De sto mondazzo el quadro scelerato.
Ma a sta gran destirada de saroto
     Prevedo che deboto
     Me diga qualchedun poco paziente,
     Che invece de studiar l'astronomia
     Leso co del profito sorprendente
     I libri del profeta Geremia,
     E che la mia virtù
     Consiste spezialmente in tirar su:
     No ze vero, el mio lagno, el mio lamento,
     L'è un pontelo, una spezie de palada
     Per far che'l fondamento
     D'una fama aquistada
     Co stenti, co suori,
     Resista a l'urto forte
     De quei persecutori,
     Che per mia mala sorte
     Procura a la parola
     Tutequante le vie perchè la crola:
     No ze vero, lo replico; indefesso
     Me ocupo senz'altra distrazion
     Nela scienza scabrosa che professo,
     E la mia predizion
     Del trentanove
     La gera preparada,
     I manoscriti ghe ne ze le prove;
     Che se no l'ò stampada,
     Ze chiaro, ze evidente,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/225&oldid=57936"