Pagina:Pronostici e versi di Camillo Nalin 1.djvu/148

Da Wikisource
Sta pagina la xe stà trascrita, ma la gà ancora da vegner rileta.

     Che gh'è una quantità
     De fabricati
     Co del bon gusto fati;
     Ghe ze stabilimenti,
     Gh'è archi e monumenti,
     Gh'è zoghi de balon,
     Ghe ze le so preson
     Per i furbazzi
     Co tanto de caenazzi,
     Co trombe e co resteli,
     Ghe ze strade, gh'e ponti, gh'è fontane,
     Gh'è palazzi, gh'è chiese e campanieli
     Co le so gran campane,
     Che ga, le me permeta,
     Batochi de sta peta,
     Gh'è bagni, gh'è teatri, gh'è ridoti,
     Gh'è passegi, boteghe, gh'è casini,
     Ghe ze le marionete, gh'è i casoti,
     Ghe ze i so bei pestrini,
     Furatole, locande,
     Ghe ze le case grande
     Per tuti quei putei
     Che nasce a basa,
     E no ga nena in casa,
     Gh'è scuole, seminari, gh'è licei,
     Gh'è le università per i studenti,
     Ghe ze anca là i conventi,
     Ghe ze i so siti sconti

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/148&oldid=57673"