Dove se paga a pronti,
E tanti de quei loghi
Dove finisce ogni pensier dei coghi.
Gh'è richi, gh'è pitochi,
Ghe ze 'l sanser da stochi,
Ghe ze storti dal dolo
A cazza del pandolo,
Gh'è prodighi, gh'è avari,
Gh'è ingenui, gh'è busiari,
Gh'è onesti, gh'è birbanti,
Ghe ze i so deliranti,
Gh'è i sbregai,
Che vol dir fortunai,
Ghe ze i so cagacasi,
Ghe ze i so papatasi,
Gh'è i nobili, i plebei,
I vodi, i cicisbei,
Penuria gh'è de doti,
Caterve de dindioti,
Gh'è sponze e licardini,
I buli, i moscardini
Che zira col baston,
Le zizole, i tromboni
Che crede parer bon
Co certi veladoni
Tre dei sora el zenochio,
E spera dar nel'ochio
E grazia a la persona
