Pagina:Pronostici e versi di Camillo Nalin 1.djvu/135

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Che portava i spartani
     Nele mudande invece de botoni.
Go rare e papagai,
     Go un drago da sie teste,
     Go osei del Paraguai
     Co le so creste,
     Go gazze, go storneli,
     Quagioti batareli,
     Bisati americani,
     Falcheti e barbagiani,
     Go scimie, go mandrili,
     Dolfini e cocodrili,
     Go scheletri, go mumie de l'Egito,
     Go el gran mostro turchin,
     E go un ermafrodito
     Nel spirito de vin,
     Che per aver menà
     In Monaco una vita libertina
     L'à fenio snombolà
     Da mal de orina;
     Go un orso in salamora
     Trovà morto da fame
     Tra Sodoma e Gomora,
     Go un imenso corbame
     De pantera,
     Che pesa senza l'osso quatro miera,
     Go denti d'elefante
     De mole esorbitante,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/135&oldid=57639"