Pagina:Pronostici e versi di Camillo Nalin 1.djvu/136

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Go un toro in caramel ben conservà,
     Go un beco imbalsemà,
     Gran composte de aborti
     Messi zo parte vivi e parte morti,
     E go in t'un camerin
     De la sofita
     Do sirene che canta in aquavita.
Go rospi del Bengala,
     Go vovi de farfala,
     Un osso de formagio,
     La coa d'un scarafagio,
     Un ongia de balena,
     Un ochio de pantena,
     La testa d'un caviaro,
     Animal in Europa che ze raro,
     Ma che i naturalisti.
     E tanti doti,
     Assicura anca qua che i ze stai visti
     Nei secoli rimoti.
Go bossoli, go scatole
     Go mescole, go spatole,
     Go vasi, go bozzete,
     Go techie e go pignate,
     Tantissime ricete
     Per far vegnir el late;
     Go unguenti, go saroti,
     Manteche e bergamoti,
     Go spiriti e pomate

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/136&oldid=57640"