E in seda e in oro,
De done da cartelo
Amanti del lavoro,
Go qualche bel modelo,
Go zessi, go sculture, go incision,
E go la colezion
De tute le medage che i ga impresso
Da Adamo sin adesso.
Go ganzi e rampegoni,
Go magi, go bastoni,
Go trapani e scarpeli,
Go subie, go marteli,
Go denti de fatori,
Go forfe da sartori,
Go britole e cortei,
Go leve e manganei,
Go spade, go tromboni,
Go schiopi, go canoni,
Go scudi, go visiere,
Go aste, go bandiere,
Go stochi, go atagani,
Go elmi, go corazze,
Che al tempo dei romani
Ze andae per le scoazze,
Go scurie, go speroni,
Turbanti e baretoni,
Go scarpe coi galani,
E fiube de zergoni,
