Pagina:Poeti antichi del dialetto veneziano 2.djvu/52

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


GRANDE OSSERVANZA IN AMORE


LA beltà, la virtù, la cortesìa
     Che ò visto, vita mia, nome in vu sola
     Me tien picà talmente per la gola
     Che ò l'anema in tel sen tuta smarìa.

E perchè me se' al cuor tuta scolpìa,
     E più ficà che no xe gropo in tola,
     Mi go perso la vose e la parola
     Per vu propria e ver'anema mia;

Un potente pensier ze stà el penelo;
     Amor el mistro, e sasso fu 'l mio cuor,
     E 'l saldo mio dolor duro martelo;

E mi, che ò mo dal Ciel tanto favor,
     E che vedo un ritrato cussì belo,
     Onoro in la mia Stela el Dio d'Amor.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_2.djvu/52&oldid=67898"