Pagina:Poeti antichi del dialetto veneziano 2.djvu/42

Da Wikisource
Sta pagina la xe stà trascrita, ma la gà ancora da vegner rileta.
L'AMORE SENZA COMPENSO


Oh quante volte al dì son un lion!
     Oh quante volte al dì son un agnel!
     Quanto m'inalzo col pensier al Ciel!
     E po me lasso andar zo a tombolon!

Oh quante volte niego la rason
     E fazzo l'apetito mio fradel!
     Quanto stago in amor poco in cervel!
     Quando possio saver mai quel che son?

Oh quanto spesso bramo nè so che,
     E quel co so che l'ò nol vorìa aver,
     E co' ghe ne son privo ardo da sè!

Oh quanto un sguardo sforza el mio voler!
     Quanto ò el cuor pien de miel e d'aloè,
     E in quanto mal gh'è un poco de piacer!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_2.djvu/42&oldid=67849"