Pagina:Poesie veronesi (Giovanni Ceriotto).djvu/45

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Létara da studente


     Nineta, te lo digo; Quando leso1
le to righe, me capita el sudor;
ma proprio in confidensa, sudo pèso,2
lésar righe de storia che de amor!

     Ma quando no voi darghe tanto péso,3
me so vèrze par ti in du tochi el cor!
No i podaria no i libri farli a meso,
o l'anima de qualche professor?...

     Se me sbisega el cor per un fogheto,
me boie el sangue e un fogolar faria
de tuti i libri de la me scansia.

     Quando in distansa vedo el to museto,
me bate 'l cor e g'ò la tosta via,
come quando i esami i fa baeto!4

  1. leso: leggo
  2. pèso: peggio
  3. péso: importanza, ascolto
  4. i fa baeto: sono prossimi