Pagina:Poesie veronesi (Giovanni Ceriotto).djvu/46

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Un bocolo de rosa

Per la nascita di Carlotta Barbarani.


     Un gran silensio tuto indifarente,
l'avea posado le so tende in strada;
le passarine cocolade1 arente,
le avea finì de far la so cantada;

     la primavera, par cunar la gente,
la intonava 'na bela serenada
de ariete fine, de canson contente;
la sera intanto l'era za cascada.

     E dal siel, da 'na pianta ancora verde,
tra i angeli in gran bossolo serado,
co la vecia canson che no se perde,

     tra i fiori freschi e i bocoleti spanti,2
vegneva zo un fioreto inamorado,
un bòcolo de rosa in meso a i canti!

  1. cocolade: accoccolate
  2. spanti: sparpagliati