con do seste che se nina
che te carga i brassi e i fianchi,
dal canton de la galina
te si za a traverso i banchi;
primo sol de la matina
ti te passi e come un'onda
te sconquassi l'aria fina
co la testa tuta bionda;
el sudor el te tormenta
zo dal col e da le spale,
i colombi i se resenta
co le pene de le ale,
i merleti del palasso
i se indora col leon,
i colombi i porta a spasso
la so solita canson.
