ALLA MARCHESA
TERESA ARCHETTI CAUZZI
CANZONE
O cuor imparegiabile!
Donca per la Mariani 7,
Zermana, el vostro metodo
Dopo de disdot'ani 8
Cambiar gavè podesto per sentirla,
E da casa portarve a incoragirla?
Me par za adesso vederve
In mezo a tanta zente,
Che tuta in beatitudine
No sta badando gnente
A farse dai cavali zapegar,
Pur de poderve un atomo vardar.
Per Vu mi vado in estasi
Pensando co se' entrada
In quel Teatro a l'Opera,
Nel qual, come se' stada
Fussi mugier d'un Re, da tuti i petti
Sortir gavè sentío viva l'Archetti.
