Pagina:Poesie edite ed inedite de Lodovico Pastò venezian.djvu/88

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


PER ALTRI.


MADRIGAL.


Perchè no son poeta
     No posso mo anca mi far qualcosseta?
     Oh, tuti riderà:
     Magari, saria tropo fortuna.
     5Caro Don Marco mio,
     Che sièu tremile volte benedio!
     Credèlo, in sto bel dì
     No ghè l'uomo contento più de mi:
     Perchè rason; dire?
     10Perchè ve vedo prete, e po' perché
     Son certo, anzi me par d'averla in man,
     Che quando vu crepè, crepa un Piovan.



EL BORDELO DEL PARNASO.


     Apena sento a dir, che Sior Tonin
Xe per farse Dotor de medicina,
Siccome l'ò adorà fin da putin,
Perchè el gera una cara creaturina,
5Stabilisso de farghe un Sonetin,
Un Madrigal, o pur 'na canzoncina,
Per mostrarghe col fato, che'l mio cuor
Per lu xe pien de stima, e tuto amor.
     Me taco donca la chitara al colo,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/88&oldid=63868"