LA POLENTA.
- . . . . . . . . . . . non omnibus unus
- Gustus . . . . . . . . . . . .
- Macar. ined.
་
SCHERZO DITIRAMBICO.
Ben venuti, ben venuti,
Via, da bravi, le se senta
Le se comoda qua tuti,
Che xe ora de polenta.
Disnaremo qua in cusina,
Za la vede che zogielo,
Co mi go la polentina
Questo è sempre el mio tinelo.
Ma le prego un momentin.
Oe, Tonin,
Fala in fete
Sutilete,
E impenissi la licarda...
Varda, varda
Che quei stizzo fa del fumo!
Sì, per dia, che me consumo
A insegnarghe a ste marmote!..
Quele quagie no xe cote,
