Pagina:Poesie edite ed inedite de Lodovico Pastò venezian.djvu/45

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     I do dindioni al povero vilan,
     Che tanto lo ringrazia, e volta via,
     Tuto pien de contento, e d'alegria;
     E zonto a casa, el varda el so formento,
     30Che no gera ben fato in quel momento;
     Ma nonostante lu lo fa tagiar,
     E i so fioli se taca a biastemar;
     Noi biastema per altro el zorno drio,
     Che casca un tempeston, ne varda Dio!
     35Anzi i conferma tuti tre d'acordo,
     Che chi trascura el tempo xe un balordo.


NOVELA.

Credendo d'esser sola
     Un zorno in mezzo un prà Madona Viola,
     La tira sa el sipario,
     Per darse certo sfogo necessario;
     5Ma quatro zovenoti,
     Che gera là cercando dei quagioti,
     La vede prima a far,
     E dopo a esaminar quel, che l'à fatto,
     E fra questi el più mato
     10Salta suso, disendoghe sorela,
     Per cossa la vardeu? tanto l'è bela?
     Ma la Viola responde: no, i mi puti
     Vardava se la pol bastarve a tuti.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/45&oldid=69032"