Pagina:Poesie e satire di Pietro Buratti veneziano.pdf/46

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Se te pesa mai le scale
     Te sparagno la fadiga
     Drento almanco de sta cale 2
     Daghe un baso a la to amiga.
A ste care parolete
     Me pareva zà che amor
     Le so barbare saete
     Me slanzasse in mezzo al cuor.
In contrasto col decoro
     Per la zente che passava
     Spesso el culo al mio tesoro
     Per vergogna ghe voltava.
Ma più spesso da Poeta,
     Co no gera tanta fraca
     Imbocando la caleta
     Ubidiva a la mia vaca.
Scusa cara se sto nome
     Per la rima te refilo
     L'ò imparà, mi no so come,
     Da quel critico de Ancilo, 3
Che per massima invechiada
     La parola buzzerona
     Vol in Crusca registrada
     Per sinonimo de dona.
Oh che gusto per mi gera
     De vederte là in quel logo
     Venir zoso farme ciera
     Darme un baso tuta fogo.
Co la lengua drento in boca
     Co le man sul mio zogatolo
     Del furor de la to coca
     Testimonio gera el gatolo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/46&oldid=58338"