No ghè rosti, el documento
Legalissimo l'ò visto
E ghe gera in quel momento
Testimonio el gran Calisto. 27
Sebenico, Bepo el Nono
Riconosse citadin
Nane Piazza so bisnono
Xè nativo de Kenin.
Donca a furia de rason
E a scravazzo de atestati
Dise el conte son Schiavon
E lo prova i mì antenati.
Seconda Appendice.
Zontar devo quà per nota
Ch'el mio Piazza no gà busto, 28
Che nissun che lo scimiota
Pol copiar quel bel so fusto
Che a chi dubita del fato
L'è zà pronto a sbotonarse
Per provar che no l'è mato
Nè ch'el vol martorizarse;
Ma che provida natura
Per sgionfarghe le pretese
Ne la fisica strutura
Gà dà in don Sarcassa Inglese.
