Pagina:Poesie e satire di Pietro Buratti veneziano.pdf/208

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.
Aggiunte volute dal Piazza dopo la lettura e l'approvazione della mia Satira.


Zà ch'el Piazza no gà gnente
     Contro el scherzo del Poeta
     E che in barba de la zente
     Una copia el ghe ne aceta 24
Per far noto a tuto el mondo
     Che passà per tante prove
     Un che Inglese sia de fondo
     Da la massima no smove,
Ritratar me devo in bota
     Da l'error che m'è sbrissà 25
     E bandir ogni carota
     Dove regna verità;
Xè inegabile, ch'el Conte
     Quà xè nato e quà cressuo
     E a batizzo dal da Ponte
     Nobil veneto tegnuo.
Che xè stada Nena ancora
     Una certa Valentini
     E zier Bortolo de Mora
     El secondo dei Padrini.
Ma del pare la semenza
     Xè legitima Schiavona
     E un eror de quint'essenza
     Xè el chiamarla pantalona.
Nato proprio a Sebenico
     Xè so pare riservà
     A veder so fio più rico
     Dar el ton a sta Cità. 26

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/208&oldid=58625"