Che una vaca de Israelo
Impenia de carne d'oca
Vogia invece de l'oselo
Divertirse co la coca?
Che sta mata da postribolo
Se vien fora un bel bocon
Sia la prima a torghe ai omeni
La polpeta dal piron!
Donca el membro un capo inutile
Per custia deventerà,
E una porca de clitoride
I so gusti usurperà?
Vogio ben che per dar pascolo
A sta infamia da sassae
Per un caso straordinario
La la gabia longa assae.
Che impastada de lusuria
La ghe tira come un cazzo;
Ma per Dio che e xè buzzere
Nol pol esser che un strapazzo,
Cossa val una clitoride
In confronto de le bote
Misurae da un membro zovene
Che resista zorno e note?
Per sto nobile istromento
Che natura n'à concesso
Sempre l'omo el soravento
L'a godesto sul bel sesso.
E se a caso e se desmentega
D'esser nato lu Sovran
L'è sol quando per zogatolo
El ghe acorda el scetro in man.
