Pagina:Poesie e satire di Pietro Buratti veneziano.pdf/123

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.
La Tribade prima.


Che no vada zò dei bazzeri
     Se gà cuor de predicarne
     Cò del gheto una tribaide
     Vien la musa a stuzzegarme?
Co se vede machinada
     Contro el cazzo una congiura
     Per serarghe quela strada
     Che ghe averze la natura?
Co una striga buzzerona 1
     Che se crede un'altra Venere
     Per vogarne su la mona
     Fa pazzie de novo genere?
E ghe xè chi pol sorprenderse
     Che no staga quieto el cielo,
     Che ogni zorno Giove incolera
     Manda zò qualche flagelo?
Che se spaca le montagne,
     Che se senta el teremoto,
     Che se alaga le campagne
     Che ne dura el tempo roto? 1
Si per Dio, che l'è un miracolo
     Se no nasse pezo ancora,
     Se no andemo tuti in cenere
     Come a Sodoma, e a Gomora.
Se pol dar magior strapazzo,
     Per el sesso mascolin,
     Che se intimi bando al cazzo
     Da una fia de Beniamin?

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/123&oldid=58327"