Pagina:Poesie e satire di Pietro Buratti veneziano.pdf/125

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Cossa gala de mirabile
     Sta rabiosa messalina
     Per chiapar le done in trapola
     Co l'ebraica so musina?
Xelo netare spermatico
     Xelo miel che ghe vien fora,
     Cossa xè la forza magica
     Che le ferma e le inamora?
Gala forsi la virtù
     De parlar co regni stigi,
     Col favor de Belzebù
     Fala incanti o sufumigi?
Gala rospi, gala vipere,
     Gala gati scortegai,
     Pignatele, vasi, tripodi
     Per cavar brodi tirai?
Più che penso, più che rumino
     Sul poter che gà sta striga
     No capisso perchè meriti
     La ne roba a nù la figa.
E pur zà co nostro scandalo
     A sta ora la so mona
     Pol mostrar superba ai omeni
     Una triplice corona.
D'una ebrea chiapada in rede
     Parla ancora el bel palor 3
     E ghe xè chi ancora crede
     Vivo in ela el primo amor.
Una dona da cartelo 4
     Spanta morta per custia
     La s'à visto sul più belo
     Minaciada d'etisia,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/125&oldid=58329"