LA DOGARESSA
Alla Contessa Moceniga Rocca Mocenigo.
Vu za sè 'na dogaressa,
nei vostri oci ghe xe el mar,
podè a l'oro de la dressa1
4el ducàl corno pontàr.
Mi no so se i Mocenigo
i vegnisse da Aquileja
o da Grado, ma ve digo
8che quel bel viso me sveja
dei ricordi indormenzai
del Giorgion o de Tizian,
che quei oci veludài,
12e la grazia de le man
ciaro dixe che gavè
un antìgo sangue fin,
anca se lo profumè
16co del garbo parigin. —
- ↑ Treccia.
