Pagina:Nuove rime veneziane di guerra e di pace.djvu/77

Da Wikisource
Sta pagina la xe stà trascrita e rileta.
BAÙTA E CROSE ROSSA

Alla contessina Pia di Valmaràna.


Ne la gòndola lustra de casàda
gh'era do dame de la Crose Rossa,
la vesta bleu, la testa un fià velada
4da 'na benda da l'aria apena smossa.

Vecia gondola nostra che ti è stada
nei secoli su l'aqua cuna e fossa
de tanti amori, ancùo ti è deventada
8asilo de dolor solo e de angossa!1

In altri tempi soto le baùte2
le nostre Nobildone smorosava
11col cavalier servente alègre e astute,

sul Canàl, verso el Lio.... Queste le andava
de guardia a l'ospeàl de la Salute
14co un costume che a quel se somegiava!

  1. Angoscia.
  2. Costume mascherato in grande uso a Venezia nel Settecento.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Nuove_rime_veneziane_di_guerra_e_di_pace.djvu/77&oldid=72168"