Disesse ben de mi a tempi persi,
Co un ode, una canzon, l'articoleto
Su qualche sfogio, o un strazzo de soneto.»
7Mi a sto punto, vardando de straforo,
Go squadrà megio tuta la persona:
E go capìo che viso, abiti e oro.
No gera che impostura bela e bona,
Roba vechia e retenta; e un mio lontan
Se vedeva le zogie de Muran.1
8Onde pezo de prima insospetio,
Ma duro come sior Antonio Rioba,2
Anzi un poco tirando el cesto indrio,
Pensava fra de mi: Coss'è sta roba?
Questa xe una batùa de novo conio,
O me fa qualche tiro sto demonio.
9Non ostante, facendo un poco el mamo,3
(Che in fondo xe el mio stato natural,)
Ghe digo : «Mi son un povaro gramo
Che devo riferirghe al principal.
Cossa góio da dir, se el me domanda?
Ela, in grazia, chi xela? e chi la manda?»
