Sta pagina la xe stà trascrita, ma la gà ancora da vegner rileta.
II.
Fato che go 'l soneto ghe lo leso
co la fiacheta tuto a mia muger,
e podè imaginarve se de peso
sia stà inalzà a l'onor del mio saver.
Mi gera un Dio, n'arca de scienza in meso
a la mia famegeta, e dal piacer
che co provà sul cuor, longo e desteso
sora 'l sofà.... go tracanà un bicer.
Un'altra mia putela, più grandeta,
da gelosia ponzua parchè 'l soneto
fato gaveva a la so soreleta,
la me fisa co xe da là un pocheto:
E a mi no ti me scrivi? Oh povareta!
Vustu che scriva che.... ti pissi in leto?