Oh sti putei!
I.
'Na sera no saveva cossa far
par mincionar el tempo, e stufo gera
de lèsarme i zornali de la sera,
che sorte a la matina, e de fumar
gera za belo e stufo. — A miera a miera
vegniva in mente mia zogatolar
pensieri e idee, ma no savea cucar
quel che m'avesse fato bona çiera.
Che scrivesse? che fasse zo un soneto?
A mia muger che lavorava arente
ghe digo: Vustu darme ti un sogeto?
La mia putela Aminta (oh sti putei!)
la me dise: Se no ti tlovi gnente
sclivi de mi te go i ocioni bei.
