Fato de Cronaca
Fra la vita e la morte la lotava,
I xe corsi a ciamar el professor,
E intanto, come bissa, dal dolor
La se storzeva in leto e la zigava.
Xe capità el dotor,
Con un ociada,
El ga capì che quela povereta
Iera una dona andada.
In un lampo coi feri el ga cavà
Una bela creatura sana e forte
De do vite, strapando una ala morte.
Le amiche che aspetava zo in porton
Per parlar col dotor, co ga sentì
Che el povaro marì
Urlava de passion,
Xe corse tute in camera e vedendo
Quela morta, quel omo disperà
Che sustava piansendo,
Le xe restade tute senza fià
Con un gran gropo in gola.
Che passar no lassava una parola.
