Pagina:Levi - Versi in dialetto triestino.djvu/26

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Fortunà


     O che omo xe quel, che posizion,
E in pochi ani in alto el xe svolà,
Che bravura fioi mii! quasi al milion
Proprio in un bater d’ocio el xe arivà.

     Cossa vol dir studiar, aver sgobà
Sui libri giorno e note con passion!...
Corone a ufa, amor, felicità,
E in conto dela publica opinion.

     Cariche citadine, gloria, onori,
Seben de sta Trieste nol sia fio
Citadin lo ga fato i sui gran bori,

     Ma se in pupa no sufia la fortuna
Ti te pol esser bravo come Dio,
Che no ti ghe ne imbrochi nanca una.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Levi_-_Versi_in_dialetto_triestino.djvu/26&oldid=69291"