Pagina:La regata de Venezia (1845).djvu/49

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Ognun pàlpita e sospira
     Per quel tal che più ghe preme,
     E tremante l'ochio el zira,
     24Perchè in còa lu se lo teme.

L'atenzion ai Regatanti
     Tuti porta in ogni sito:
     Ghe fa angossa ai circostanti
     28Quel teribile conflito.

Ma za queli de la sfida
     Bada sempre al so mestier:
     Che se pianza, che se rida,
     32Eli tende al so dover.

Ogni Bravo spenze a forte
     Quando curvo, e quando alzà,
     No pensando che a la sorte,
     36A la qual incontro el và.

Sfende l'acqua, che resiste
     Del so remo la paleta;
     Ma lu fraca, preme, e insiste,
     40E più core la barcheta:

E fra l'onde e fra la spiuma
     Che fa i remi nel vogar,
     Za da l'ochio la ve sfuma
     44Che incantài dovè restar.

Se sta i Prodi da vicin,
     E se disputa la gloria
     Cussì ben, che sin al fin
     48Resta in dubio la vitoria.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/49&oldid=66174"