Pagina:La regata de Venezia (1845).djvu/48

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


V.


CORSA.


Oramai son al momento
     De la Corsa de parlar;
     E de cuor ghe dago drento
     4Senza farme più aspetar.

Tuto in regola xe pronto;
     Tuto a l'ordine xe messo;
     E per questo fazzo el conto
     8Che tardar no sia permesso.

Xe za i Bravi al so spagheto,
     E el canon ghe dà el segnal:
     Za levà xe 'l fazzoleto;n26
     12E xe in moto ogni rival.

Le Bissone vien avanti,
     E ai Campioni ghe fa strada;
     Za i se mete tuti quanti
     16Co fervor a la vogada.

Gran aplausi e bati-man,
     Gran susuro e gran schiamazzo
     Ve dà aviso da lontan
     20Che i xè entrai nel Canalazzo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/48&oldid=66196"