Pagina:La regata de Venezia (1845).djvu/42

Sta pagina la xe stà trascrita, ma la gà ancora da vegner rileta.

Trato el sbaro, che xe solito,
     Lassa subito el spagheto,ⁿ⁹
     E davanti cerca spenzerte
     108De qualunque ti gà a peto.

Saldo el remo tien in forcola,
     Ma su tropo no fracarte,
     Chè 'l batelo essendo viscolo,
     112Ti pol anca rebaltarte.

Va a premando e fate arenteⁿ¹⁰
     La zenzìva del palùo,
     E vicin a quela tiente
     116Fin che in fondo ti è vegnùo.

Là ti trovi l'Orfanelo,ⁿ¹¹
     Che un pocheto le desgiusta;
     Tienghe duro, e 'l to batelo
     120Fa zirar verso la Fusta.ⁿ¹²

Co là in fazza ti xe zonto,
     Chiama a ti le forze tute;
     Va in Doàna, spenzi pronto,
     124E vien dreto a la Salute.

E trovandote davanti
     A quel Logo de orazion,
     A la Santa sora i Santi
     128Mostra aver venerazion.

De zirar donca recordete
     A premando la to testa,
     E a Maria devoto sbàssila
     132De adorarla co protesta.

n9