Pagina:La regata de Venezia (1845).djvu/41

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Co finìo gaveva el pare
     Dei so vechi de parlar,
     Su saltava so compare
     80Pien de zelo a perorar.

E parlando come Santolo,
     (Se novizzo el gera al corso),
     A so Fiozzo in ton de predica
     84El ghe fava sto discorso:

"Vien quà, Fiozzo, atento ascolta
     La lezion che i me gà dà
     Co anca mi la prima volta
     88In Regata gò vogà.

De abadar a quel che digo
     Da onorato Venezian,
     Ti, per segno, Fiozzo amigo,
     92Vien quà, strenzime la man.

Fa quel conto che te parla
     Dei to dì chi xe l'autor:
     Ti pol certo indovinarla
     96Ubidindome a rigor.

A vint'ore xe 'l momenton7
     De molarse per vogar,
     E per meterse al cimento
     100Che certuni fa tremar.

L'aprension da ti procura
     Che te staga ben lontana;
     Nè te meter in paüra
     104Ben che l'acqua sia in Dosàna.n8

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/41&oldid=66191"