Pagina:La regata de Venezia (1845).djvu/35

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



E dirò su sto proposito,
     Che de impulso natural,
     Ai Campioni per dar anima
     108Molti stava sul Canal.

Scorsizava per sto stimolo
     In realtà qualche Bissona,
     E i bateli co le Mascare,
     112E le Gnaghe co so Nona.n5

E ghe gera in varii angoli
     Molta zente parechiada,
     Che se dava tuta el merito
     116De far cuor per la vogada.

No ghe gera mai pericolo
     Che no fusse invigorìo,
     Sin chi aveva la disgrazia
     120De restar un poco indrìo.

Tal del popolo xe l'indole
     De sta celebre Cità,
     Che a chi xe ne l'infortunio
     124Cuor, almanco, lu ghe fà.

E se dava un altro premio
     A chi gera vincitori,
     Questo in bezzi preparandolo
     128Per pagar i so süori.

Ma sicome no i missiava
     L'interesse co l'onor,
     El dì drìo quelo se dava
     132Che premià gera 'l valor.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/35&oldid=66189"