Pagina:La regata de Venezia (1845).djvu/17

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Tuti donca de concordio,
     Co de remo se tratava,
     A le sole Forze d'Ercole
     108I partii lori lassava.n3

No ghe gera Nicoloto,
     No ghe gera Castelan;
     Ognun gera patriöto
     112Co 'l gaveva el remo in man.

A l'onor de aver el premio
     I fissava la so mente:
     No i tendeva che a la gloria
     116Tuto 'l resto gera gnente.

Per idee cussì magnanime
     Le Regate in sta Cità
     Gera come i zoghi Olimpici
     120Che la Grecia ha celebrà.

Ma co questo, che Venezia
     No aspetava capitar
     Chi dei Bravi el premio in disputa
     124Ghe vegnisse a contrastar.

Chè quà stai xe de continuo
     Senza aver competitori
     Quei che serve ne le Gondole
     128De Tragheto, e dei Signori.

Protetori e Mecenati
     Se faceva ai Regatanti
     I Patrizii, i Magistrati,
     132E po in fondo tuti quanti.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/17&oldid=66187"