Pagina:La regata de Venezia (1845).djvu/16

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



E Signore rispetabili,
     E Parone e Cameriere;
     Sina i Preti, sina i Nonzoli,
     80Sin le Sguatere, e Massere,

Tuti proprio gera in gringola,
     E in t'un'éstasi beäta,
     E se dava moto unanimi
     84A un aviso de Regata.

E za tuti se impegnava
     E co l'anima e col cuor,
     Chè, per quanto in eli stava,
     88I voleva farghe onor.

I Campioni de la Corsa
     Gera i nostri Barcaroli,
     Per i quali una risorsa
     92Gera in arte far dei svoli.

Chè passion eli gaveva
     Ambiziosa del mestier;
     Nè altra gloria i conosceva
     96Che in far ben el so dover.

Dominai da sto eroismo
     I bulava, e co rason,
     Da una parte el fanatismo,
     100E le idee de le Fazion.

In Regata cortesani,
     E d'acordo a maravegia,
     Nlcololi e Castelani
     104Gera tuta una famegia.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/16&oldid=66140"