Pagina:La regata de Venezia (1845).djvu/15

Da Wikisource
Sta pagina la xe stà trascrita, ma la gà ancora da vegner rileta.


Stabilindoghe i principii
     Lu l'ha infati destinada,
     Publicando aposta un ordine,
     52Che Regata l'ha chiamada.

El decreto xe sta quelo
     Che le Feste ha comandàe
     Per le Spose de Castelo
     56Che xe stade rescatàe.n2

Su le prime no ghe gera
     Chi la pompa avesse in cuor:
     Tuto stava in dar bandiera
     60A chi gera vincitor.

Ma col tempo sto spetacolo,
     Che xe pur original,
     Deventà xe assae magnifico,
     64Veramente nazional.

De spiegar no xe possibile
     Quanta smania e quanto ardor
     Inspirasse a tuto 'l popolo
     68Sta gran prova de valor.

De sta Festa al solo anunzio
     Le persone d'ogni classe
     Fin pareva che dal giubilo
     72Tute mate deventasse.

Dignitarii, Zentilomeni,
     Avocati, Professori,
     Negozianti, semi-Nobili,
     76Artesani, Servitori,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/15&oldid=66186"